Troparion of the holiday
глас 2
Благообразный Иосиф,
с Древа снем Пречистое Тело твое́,
плащаницею чистою обвив и вонями,
во гробе нове покрыв положи́. Егда снизшел еси́ к сме́рти, Животе Безсмертный,
тогда ад умертвил еси́ блистанием Бо́жества.
Егда же и умершия от преисподних воскреси́л еси́,
вся Силы Небесныя взываху:
Жизнодавче, Христе́ Бо́же наш, сла́ва тебе́.
Мироносицам женам при гробе предста́в, А́нгел вопияше:
ми́ра мертвым суть прилична,
Христо́с же истления яви́ся чуждь.
глас 8
Да молчит всякая плоть человеча, и да стоит со страхом и трепетом, и ничтоже земное в себе да помышляет: Царь бо царствующих и Госпо́дь господствующих приходит заклатися и да́тися в снедь верным. Предходят же Сему лицы ангельстии со всяким Началом и Властию, многоочитии Херувими, и шестокрилатии Серафими, лица закрывающе, и вопиюще песнь: Аллилуия, аллилуия, аллилуия.
Kontakion of the holiday
глас 6
Бездну заключивый мертв зрится,
и смирною и плащаницею обвився,
во гробе полагается, я́ко смертный, Безсмертный,
жены же приидоша помазати его́ миром,
плачущия горько и вопиющия:
сия суббота есть преблагослове́нная,
в нейже Христо́с уснув, воскреснет тридневен.
Задостойник,
глас 6
Не рыдай Мене, ма́ти, зрящи во гробе, его́же во чреве без семене зачала еси́ Сына: востану бо и прославлюся и вознесу со славою, непреста́нно я́ко Бог, ве́рою и любо́вию Тя величающия.
troparion to Saint Eutykhios, Archbishop of Constantinople
глас 4
Пра́вило ве́ры и о́браз кро́тости,
воздержа́ния учи́теля
яви́ тя ста́ду твоему́
я́же веще́й и́стина,
сего́ ра́ди стяжа́л еси́ смире́нием высо́кая,
нището́ю бога́тая.
О́тче Евтихи́е,
моли́ Христа́ Бо́га
спасти́ся душа́м на́шим.
kontakion to Saint Eutykhios, Archbishop of Constantinople
глас 8
Боже́ственнаго ве́рно Евтихи́я вси пою́ще, лю́дие,
любо́вию да ублажи́м, я́ко па́стыря вели́ка и служи́теля,
и учи́теля прему́дра, и прогони́теля ересе́й,
мо́лит бо Го́спода о всех нас.