Тропар свята
глас 1
О́бщее воскресе́ние
пре́жде твое́я Стра́сти уверя́я,
из ме́ртвых воздви́гл еси́ Ла́заря, Христе́ Бо́же.
Те́мже и мы, я́ко о́троцы побе́ды зна́мения нося́ще,
тебе́, Победи́телю сме́рти вопие́м:
оса́нна в вы́шних,
благослове́н Гряды́й во и́мя Госпо́дне.
Кондак свята
глас 2
Всех ра́дость Христо́с,
И́стина, Свет, Живо́т и ми́ра воскресе́ние,
су́щим на земли́ яви́ся Свое́ю бла́гостию
и бысть о́браз воскресе́ния,
всем подая́ Бо́жественное оставле́ние.
Величання
Чи́стую сла́вно почти́м, лю́дие, Богоро́дицу, огнь Бо́жества прии́мшую во чре́ве неопа́льно, пе́сньми Велича́ем.
кондак священномученику Василію, пресвітеру Анкірському
глас 8
Зако́нно тече́ние соверши́в и ве́ру соблю́л еси́, священному́чениче Васи́лие, сего́ ра́ди муче́ния венце́в сподо́бился еси́ и Це́ркве сто́лп непоколеби́мь яви́лся еси́, Сы́на, Отцу́ Собезнача́льна и Ду́ху испове́дав, Тро́ицу Неразде́льную, Ю́же моли́ изба́витися от бе́д чту́щим Тя́, да зове́м ти́: ра́дуйся, Васи́лие богому́дре.