тропар апостолу Якову, братові Господньому за тілом
глас 2
Я́ко Госпо́день учени́к, восприя́л еси́ пра́ведне, Ева́нгелие,
я́ко му́ченик, и́маши е́же неопи́санное,
дерзнове́ние я́ко бра́т Бо́жий,
е́же моли́тися, я́ко иера́рх:
моли́ Христа́ Бо́га, спасти́ся душа́м на́шим.
кондак апостолу Якову, братові Господньому за тілом
глас 4
О́тчее Единоро́дное Бог Сло́во,
прише́дшее к нам в после́дняя дни,
Иа́кове Боже́ственне,
пе́рваго тя показа́ Иерусали́млян па́стыря и учи́теля
и ве́рнаго строи́теля та́инств духо́вных:
те́мже тя вси́ чти́м, апо́столе.
величення апостолу Якову, братові Господньому за тілом
Велича́ем тя,
апо́столе Христо́в Иа́кове,
и чтим боле́зни и труды́ твоя́, и́миже труди́лся еси́
во благове́стии Христо́ве
молитва апостолу Якову, братові Господньому за тілом
О, вели́кий, богоизбра́нный и богопросла́вленный апо́столе Иа́кове, бра́те Госпо́день, вели́кий архиере́ю свята́го гра́да Иерусалима, те́плый наш засту́пниче и хода́таю, предстоя́й престо́лу Пресвяты́я Тро́ицы! Не отри́ни нас от твоего́ заступле́ния, воздви́гни из глубины греховныя и, яко име́яй власть вяза́ти и реши́ти, разреши́ зол на́ших соу́зы, любви Бо́жией причти́ и Ца́рствия Небе́снаго прича́стники моли́твами твои́ми соде́лай. Моли́, святе, Христа́ Спа́са, да сподо́бит непреткнове́нно соверша́ти на́ше земно́е стра́нствие, да, ве́чныя и блаже́нныя жи́зни на Небеси́ сподо́бившеся, вку́пе с тобо́ю возмо́жем непрестанно славити Тро́ицу Неразде́льную и воспева́ти еди́но Божество́ Отца́ и Сы́на и Ду́ха Свята́го во ве́ки веко́в. Ами́нь.